Уся Еўропа пачынае гаварыць голасам Польшчы па пытаннях бяспекі межаў. Цяпер мы з'яўляемся лідарам ЕС у гэтай галіне, заявіў у нядзелю польскі міністр унутраных спраў Марцін Кервінскі.
Узмацненне еўрапейскай міграцыйнай палітыкі было адной з галоўных тэм суботняга міграцыйнага саміту ў Мюнхене, у якім прынялі ўдзел польскія міністр унутраных спраў і адміністрацыі Марцін Кервінскі і міністр-каардынатар па спецыяльных службах Томаш Семоняк.
«Уся Еўропа пачынае гаварыць голасам Польшчы па пытаннях бяспекі межаў. Цяпер мы з'яўляемся лідарам ЕС у гэтай галіне. Тут няма месца паўмерам. Часы зламанай памежнай агароджы і выдачы фальшывых віз усім выпадковым чынам мінулі», — напісаў Кервінскі ў нядзелю.
У суботу ў Мюнхене ён нагадаў, што год таму прэм'ер-міністр Дональд Туск казаў пра неабходнасць узмацнення міграцыйнай палітыкі.
«Мы зноў заяўляем, што не пагодзімся ні на якое рашэнне па міграцыйных пытаннях, якое пагражала б бяспецы Польшчы ці палякаў», — заявіў Кервінскі. Ён дадаў, што польскі ўрад падтрымлівае супрацоўніцтва з еўрапейскімі краінамі над найлепшымі мадэлямі міграцыйнай і прытулкавай палітыкі. Але, як падкрэсліў палітык, «мы не пагодзімся, і мы кажам гэта вельмі адкрыта нашым партнёрам, ні на якія правілы перасялення».
Міністр паведаміў, што толькі ў гэтым годзе польскія службы затрымалі амаль 25 000 мігрантаў, якія праязджалі праз Польшчу ў бок Еўрапейскага Саюза. «Гэта наш польскі ўнёсак у абарону мяжы ўсяго Еўрапейскага Саюза», — адзначыў палітык.
PAP/юл